احاجي تراثية جزائرية مع هيام الثقافية

السلام عليكم ورحمة الله وبركاته

مرحبا بكم مع مجموعة جديدة من الاحاجي التراثية الشعبية 

اليكم مجموعة الاحاجي

1- على انثى ظريفة في اليد خفيفة، اذا غاب السلطان تصبح هي الخليفة؟

2- الجيدة بنت الجواد، وجيدة بان جودها، من عشقها في الدنيا نورت نوارة من غير عودها؟

3- على عبد الصمد شاف شوفة وقال اسمعوني يا شهودي شفت الماء في بلاصة الدم واذا كذبت اذبحوني؟

4- شجرتنا شجرة العز لساكنين بحذاها، الصيد بن الصيد ينقز يجي حذاها؟

5- دقوه سبع دقات ماساح منو دم، حطوه قالوا مات، هزوه قال نعم؟

6- على الجيدة بنت الاجياد والجيدة غربوها، تمشي في وسط القافلة حد ما عرف بوها؟

7- عاللي اسموا بالكاف والكاف بين الغواشي، ماهو فالسماء طيار ولا في الارض ماشي؟

8- يطو بن يطو ومحزم في وسطو نحلفلك بالله ماتعرف الراجل من مرتوا؟

9- حاجيتك صفيح بن صفيح لاهو فالسماء لاصق ولا في الارض يطيح؟

10- حاجيتك على ثمرة وشانها عالي، الدار اللي مافيها، كي المضرب الخالي؟

احاجـــــي 1:35 م